#ကျင့်သုံးသင့်သော အချက်(၅)ချက်
#ကျွန်တော် နေ့စဉ်သုံးနေကျ အချက်(၅)ချက်။
>>၁. ကြက်အုပ်ကြားထဲမှာ အမြင့်ပျံတဲ့အကြောင်း
သွားမပြောမိပါစေနဲ့။
ဘာကြောင့်လဲဆိုတော့ အမြင့်ပျံတဲ့အကြောင်း ကြက်က
နားမလည်နိုင်သလို ကိုယ်တိုင်လည်း စိတ်အားငယ်ရပါလိမ့်မယ်။ကိုယ့်မှာ ကြီးမားတဲ့အိပ်မက်နဲ့ ရည်ရွယ်ချက်ရှိနေရင် ကိုယ့်စိတ်ထဲမှာပဲသိမ်းထားပါ။တွေ့ရာလူကိုလျှောက်မပြောမိပါစေနဲ့။ အထူးသဖြင့်အကောင်းမြင်စိတ်မရှိသူ အိပ်မက်မရှိသူ ကိုယ့်အပေါ် မလိုမုန်းထား မနာလိုသူတွေကိုပေါ့။
ကိုယ့်ရည်ရွယ်ချက်အိပ်မက်တွေကို သူတို့ကိုယ်တိုင်
မလုပ်နိုင်မလုပ်ဖူးတဲ့သူတွေနဲ့ မလိုမုန်းထားမနာလိုသူတွေရဲ့ အဖျက်စကားတွေကြောင့် ပျက်စီးသွားစေတတ်ပါတယ်။
ကိုယ့်ကိုကူညီမယ့်သူတွေနဲ့သာ ပြောဆိုတိုင်ပင်ပါ။
.........................................................................
>>၂.ချောင်းကကျွဲကိုဘယ်တော့မှ သွားမရှာဘူး။
ကျွဲဟာရေစိမ်ဖို့ ချောင်းကိုရှာရသလို သင်ဟာအောင်မြင်မှုကို ပိုင်ဆိုင်ချင်ရင် အောင်မြင်မှုရှိတဲ့နေရာကို ရအောင်ရှာပါ။
အောင်မြင်မှုက သင့်ကိုလာရှာမှာမဟုတ်ဘူး။
.........................................................................
>>၃.မလုပ်နိုင်ဘူးဆိုတာသူ့အတွက်ကိုယ့်အတွက်မဟုတ်ဘူး။
တစ်ယောက်ယောက်ကမလုပ်နိုင်ပါဘူး မဖြစ်နိုင်ပါဘူးလို့
ပြောလာရင် သူ့ကိုယ်သူ မလုပ်နိုင်ဘူး မဖြစ်နိုင်ဘူးလို့ဆိုလိုတာပါ။ ကိုယ့်ကိုမဖြစ်နိုင်ဘူး မလုပ်နိုင်ဘူးလို့ဆိုလိုတာမဟုတ်ဘူးလို့ နားလည်ထားပါ။
(ကိုယ်ကသူနဲ့သွားပတ်သက်နေစရာမလိုပါဘူး)
.........................................................................
>>၄.ကုန်းပေါ်မှာရေကူးသင်ရင်းအချိန်ကုန်မခံပါနဲ့။
ကုန်းပေါ်မှာနေေနသေးသ၍ ရေထဲမှာကြုံရမယ့်ပြသနာ
အကြောင်းသင်မသိနိုင်ပါဘူး။ အချက်အလက်တွေ
လေ့လာနေ၊အတွေးတွေများနေတာနဲ့တင် အချိန်ကုန်ခံမနေပါနဲ့။
စီးပွားရေးဆိုင်ရာစာအုပ်တွေသာ ထိုင်ဖတ် အချက်အလက်
တွေသာ လေ့လာနေပေမယ့် လက်တွေ့စီးပွားရေး
မလုပ်ကြည့်ရင် သင်ဘာမှမသိသေးတာနဲ့အတူတူပါပဲ။
ဒါကြောင့်ခုန်ဆင်းပြီး အစွမ်းကုန် ကူးကြည့်လိုက်ပါ။
ရေကူးတတ်ဖို့ဆိုတာက ရေထဲမှာမှဖြစ်နိုင်မှာပါ။
.........................................................................
>>၅.ဟိုဟာလေးလုပ်လည်း ဟိုလူကဟိုလိုပြောမယ်။
ဒီဟာလေးလုပ်လိုက်လည်း ဒီလူကဒီလိုပြောမယ်။
ဘာမှမလုပ်ပြန်တော့လည်း ဘာမှလုပ်ဖို့ မစဉ်းစားတော့ဘူးလားလို့ အပြောခံရမယ်။
သင်ဘယ်လမ်းရွေးရွေး အမြင်မတူတဲ့သူ ရှိကိုရှိနေမှာပဲ။
ဒါကြောင့် ကိုယ့်အတွက် အကောင်းဆုံးလို့ထင်တဲ့လမ်းကို
ရွေးတတ်ရင် လုံလောက်ပါပြီ။
..................................................................
လွပ်လပ်မှု့ဆိုတာလူတိုင်းအတွက်ဖြစ်နိုင်ပါတယ်
ကိုယ်ကသာရွေးချယ်ခဲ့မယ်ဆိုရင်ပေါ့။
Ref - သင်သိရင်ချမ်းသာလိမ့်မယ်။
Copy from >ko latt
Credit
မေတ္တာဖြင့် ပြန်လည်ကူးယူဖော်ပြသည်။
#SoeNaing💕💕
Friday, November 17, 2017
#ကျင့်သုံးသင့်သော အချက်(၅)ချက် #ကျွန်တော် နေ့စဉ်သုံးနေကျ အချက်(၅)ချက်။
Subscribe to:
Post Comments (Atom)
No comments:
Post a Comment